د روان کال په لومړۍ رُبع کې قرغیزستان افغانستان ته د تېلو او پټرولو صادرات زیات کړي دي. د قرغیزستان د ملي احصایې کمېټې د معلوماتو له مخې، دغه هیواد په دې موده کې ټولټال ۴۲میلیونه ۷۹۱،۷ زره لیتره تېل صادر کړي، چې ارزښت یې ۱۹،۵میلیونه ډالره ښودل شوی.
د هند او پاکستان ترمنځ له سیاسي کړکېچ او جګړې وروسته، د زاړه ډیلي د وچو مېوو مارکېټ د وارداتو په بندېدو سره له اقتصادي ستونزو او بیو لوړېدو سره مخ شوی دی.
د طالبانو ستره محکمه وایي، په کابل ولایت کې یې د یوې ښځې په ګډون دوه کسان د «زنا» په تور او پنځه نور یې د نشه يي ټابلیتو او چرسو د خرڅلاو، پلور او قاچاق په تور محکوم او په دُرو وهلي.
د طالبانو عدلیې وزیر عبدالحکیم شرعي د روسیې په سن پترزبورګ ښار کې د نړیوالې حقوقي مجمع په ۱۳مه ناسته کې وویل چې طالبانو زندانونه د اصلاح، تربیې، شخصیت جوړونې او دیني پوهاوي په مرکزونو تبدیل کړي دي. عبدالحکیم شرعي وايي چې قضایي پرېکړې د اسلامي شریعت پر بنسټ کېږي.
د طالبانو د ریاست الوزرا اداري مرستیال عبدالسلام حنفي وایي، چې څوک افغانستان ته بې کيفيته درمل، خوراکي او غير خوراکي توکي واردوي او يا يې توليدوي، ملي خاين ګڼل کېږي.
د طالبانو د امر بالمعروف او شکایتونو اورېدو وزارت وايي چې په کابل کې یې د کوډګرو «یوه خطرناکه» ډله نیولې ده. یاد وزارت پر خپله اېکسپاڼه لیکلي چې د کوډګرو نیول شوې ډلې د دم او تعویذ په نومونو د کورنیو ترمنځ نفاق او ستونزې راولاړولې.
د ترکمنستان د اورګاډي ادارې رییس قربانوف سردار په مشرۍ یو لوړپوړی پلاوی هرات ته تللی او د دغه ولایت له والي شیخ مولانا نوراحمد اسلامجار سره یې د تورغونډۍ بندر پر پراختیا خبرې کړې دي.
د اروپایي اتحادیې د بهرني سیاست مشرې کایا کالاس ویلي، هیله منه ده چې د اتحادیې وزیران پر سوریې د لګول شويو اقتصادي بندیزونو د لرې کولو په تړاو هوکړې ته ورسیږي.
د طالبانو د امربالمعروف، نهی عنالمنکر او شکایتونو اورېدو وزارت ویاند سیف الاسلام خیبر وايي، چې په تېر ۱۴۰۳ لمریز کال کې د پلازمېنې کابل په ګډون د هېواد په ټولو ولایتونو کې ۲۹۷ مېرمنې له کورني بند او زور زیاتي څخه ژغورل شوې دي.
د طالبانو د معلوماتو او احصایې ملي داره وایي، چې د ۱۴۰۴ کال د وري میاشتې په جریان کې د افغانستان صادرات او واردات د تېرې میاشتې په پرتله راکم شوي دي.
د طالبانو د کرنې، اوبو لګولو او مالدارۍ وزارت د سندونو پر بنسټ، دې ډلې یوازې د پروان ولایت د کرنې په ریاست کې ۳۱ کارکوونکي له خپلو دندو څخه تنقیص کړي دي. د طالبانو په رسمي مکتوب کې لیکل شوي، چې دا کار ددې ډلې د مشر ملاهبت الله د ۲۰ سلنې د تنقیص د حکم پر اساس شوی دی.
د طالبانو د بهرنیو چارو وزارت مالي او اداري معین ډاکټر محمد نعیم په ازبکستان کې د «د ترمذ خبرو اترو» تر سرلیک لاندې ناستې ته ویلي، چې افغانستان چمتو دی د سیمهییز اتصال، اقتصادي همکارۍ او دوامدارې پراختیا لپاره رغنده رول ادا کړي.
په ازبکستان کې د طالبانو سفیر وايي، چې قوش تېپه کانال او د اوبي سرچینو مساله ازبکستان او طالبانو دواړو ته مهمه ده او باید د فشار او یو اړخیزو ګامونو پرځای په مذاکراتو او همکارۍ حل شي. عبدالغفار بحر وايي، طالبانو ته حکومت «په سوله ییز ډول» انتقال شوی.
د دوشنبې په ورځ د اتریش د کورنیو چارو وزیر ګیرهارد او د هغه فرانسوي سیال برونو رېتایو د پاریس په ناسته کې افغانستان ته د افغان پناه غوښتونکو پر شړلو او په درېیمو هېوادونو کې د کډوالو د ستنولو د مرکزونو په اړه خبرې کړې دي.
د ایران د صنعت، معدن او تجارت وزیر سید محمد اتابک د طالبانو د کانونو او پټرولیم وزیر هدایت الله بدری سره په کتنه کې ویلي، چې د ایران او افغانستان د کانونو او صنایعو په برخه کې د ایران او طالبانو تخصصی کمېټه به له نن څخه د همکارۍ لپاره خپلې څېړنې پیل کړي.
د افغان ښځو نجونو او بشري حقونو لپاره د امریکا د بهرنیو چارو وزارت پخوانۍ ځانګړې استازې رینا امیري وایي، چې ټول باید د افغان مېرمنو ترڅنګ ودرېږي؛ ځکه چې په خبره یې افغانستان کې روان وضعیت نه یوازې یوه تراژیدي، بلکې د بشریت پر وړاندې جرم دی.
د کډوالۍ نړۍوال سازمان وایي، چې زرګونه افغانان له پاکستان څخه وتلو ته اړ شوي، چې د ډیرو راستنېدونکو ښځو او ماشومانو وضعیت د اندېښنې وړ دی. د دغه سازمان په وینا، د راستنېدونکو نیمایي برخه د خپلو اساسي اړتیاوو د پوره کولو لپاره په بشري مرستو تکیه کوي.
د طالبانو د صنعت او سوداګرۍ وزارت خبر ورکړی، چې د ترکیې جمهوریت د غالیو ټولنې ورسره د افغاني غالیو د صنعت او اروپا ته یې د صادراتو په برخه کې د همکارۍ پر پراختیا ټینګار کړی دی.
د مخکني جمهوري نظام د ولسمشر لومړی مرستیال امرالله صالح وایي، چې د طالبانو مشر ملا هبتالله د روان مالي کال لپاره یوازې د دغې ډلې دفاع وزارت ملېشو ته ۷۳۰ میلیون ډالره ځانګړي کړي دي.
ایزاني رسنیو خبر ورکړی، چې د دغه هیواد د کرمان په جوپړ سیمه کې د یوه بس د چپه کېدو پېښه کې ۲۲ افغان کډوال چې افغانستان ته د ستنولو لپاره لېږدول کېدل ټپیان شوي دي.
د پاکستان حکومت تېره ورځ د (غوایي ۲۹مه ) ۶۲۹ افغان کډوال په جبري ډول افغانستان ته ستانه کړي دي. دغې ادارې خبریالانو ته په استول شویو معلوماتو کې ویلي، چې دغه کډوال یې د تورخم له لارې افغانستان ته ستانه کړي.
د طالبانو د کډوالو او بېرته راستنېدونکو چارو وزارت ویلي، چې د پاکستان حکومت د دغه هیواد په بېلابېلو ښارونو کې۲۸۶ افغان کډوال تر زنداني کېدو وروسته د سپین بولدک له لارې افغانستان ته ستانه کړي دي.